Um galego no Império Pequeno

Além da linha inimiga

May 25th, 2006 at 7:21 am

A bandeira do Orçam poderia ser ilegal

O Concelho da Corunha vai ter de retirar a bandeira espanhola de grandes dimensões que chantou o ex-alcaide Francisco Vázquez no paseio do mar ártabro corunhês ou ponher-lhe ao lado esquerdo umha bandeira galega de iguais dimensões. Resulta que a actual situaçom é ilegal. A Lei de Símbolos de Galiza, no seu artigo 5, dispom que “a bandeira de Galicia utilizarase conxuntamente coa de España en todos os edificios públicos no ámbito territorial da comunidade autónoma e nos actos oficiais que nela se celebren”.

Ao abeiro desta lei, umha pessoa da Corunha, cujo nome nom quere que saia ainda á luz, interpuxo umha demanda no contencioso administrativo que foi admitida a trámite e que, juristas consultados, nom duvidam que tem todas as de ganhar por quanto “a legislaçom é clara e taxativa”.

O Concelho da Corunha, ademais de estar gastando miles de euros cada mes na vigilância da bandeira espanhola, está conculcando a Lei de Símbolos de Galiza pola que debe de reger-se.

Ainda assi, achamos que o actual alcalde, Xavier Losada, nom vai ser quem de rachar coa dinámica imposta pelo seu antecesor e que, coma este com o topónimo, vai desafiar a legalidade, e tratar de encerelhar-se em recursos judiciais que vam em detrimento dos petos dos cidadáns corunheses.

-

Comments are closed.