Além da linha inimiga

E foi muito mais singelo do que pensava. Primeiro nom tinha som, depois tinha mas com um pitido ensurdecedor e finalmente já funciona.

É um Packard Bell MX67-014 e a saida do 'lspci' para a placa de som:

00:1b.0 Audio device: Intel Corporation 82801G (ICH7 Family) High Definition Audio Controller (rev 02)

Só tivem que editar o /etc/modprobe.d/sound e adicionar:

alias snd-card-0 snd-hda-intel

options snd-hda-intel index=0

options snd-hda-intel model=3stack

chuzame

Mais umha noite de trabalho, e ainda é cedo! (00:55) a hora meia de retirada som as 3:30. E nom, nom trabalho de noite; o meu horário é de 8:00 a 17:00. O culpável? Umha merdinha chamada Banksphere, caghoembotin.

Eis a mensagem de erro, da muitíssima informaçom:

A culpa é minha, levo dizendo que vou deixar este trabalho há meio ano e ainda ando aquí, ao final vai-mo pagar a saude.

chuzame

Autor: Kevin D. Mitnick & Willian L. Simon
Lançamento: 2006
Editora: Pearson Education
Idioma: Português BR

Este é o segundo livro de Mitnick, lançado em inglês em 2003, de título original “The art of intrusion”.

chuzame

Umha série de documentos sobre segurança em galego brasileiro.

Conteudo:

* Hackerismo: 16 Arquivos em Doc
* Livro - O Guia do Hacker Brasileiro - Marcos Flávio Araújo Assunção
* Revista Hacker Brasil
* Segurança na Internet
* Universidade Hacker - 12 Arquivos PDF
* Gerador de CPF e CNPJ Válidos
* Guia do Hacker Brasileiro
* Guia do Hacker Brasileiro Critica
* Desativando Auxiliar NetBIOS TCP/IP
* Anti Trojan com Manual
* Como roubar senha de Hotmail
* Linux Dicas & Truques
* Apostila Básica De Linux (Pt Br)
* Guia Prático para o Debian GNU Linux (pt BR)
* Referência de comandos - Linux (pt_BR)

chuzame

Mais que a esmagadora vitoria do PSOE preocupa-me a esmagadora vitoria do bipartidismo PPSOE. Todo foi segundo o previsto, com importante retrocesso de forças nacionalistas e independentistas e Esquerda Unida, tal vez pelo "voto útil" que foi parar ao PSOE.

Toda a campanha foi programada para impulsar o "sistema de dous partidos", claramente discriminatória e chegando a ser antidemocrática.

A única leitura possitiva foi que o BNG mantem os seus 2 escanos.

É claro que necessitamos umha força independentista na Galiza que repressente ao povo trabalhador do país, contamos com Nós-UP e a FPG, que nom acudiam a estes comícios. Mas no caso de se apresentarem... qual é a estratégia a seguir?
Dado o actual sistema seria muito benéfico apresentarem-se juntas numha coaligaçom, deixar a um lado as diferenças e centrar-se no que nos une.
Mas isto nom é suficiente, compre umha forte campanha de "marketing". Se nom te conhecem nom te votam, isso é claro.

Actualmente os partidos já nom som partidos políticos, som empresas; e como empresas vendem um produto, umha imagem. Nom queremos convertir Nós-UP num PSOE, nem num BNG, mas si há que fazer-se ver. Estar no dia a dia da gente, implicar-se ao máximo, apartar um pouco (mas nom muito ;)) a "revoluçom" e fazer pais aos poucos desde abaixo.

E fazer-se ver em tudo momento: nas nossas conversas, empapelando as cidades, com artigos em todos os meios, criando os nossos próprios meios, regalando isqueiros ou pins, filiando-nos.

Ainda temos algo de tempo, mas há que começar hoje mesmo.

chuzame

Como dixo um alto cargo espanhol, "para a Galiza começa a legislatura do TAV". Com efeito, os três grandes partidos apretam já os prazos para executar um novo atentado ambiental, que nesta ocasiom vai directamente contra os petos da gente humilde, que fica sem comboio acessível. Hoje tivemos notícia de que o tramo que passa por Catoira e Rianjo já se constrói sem estudos de impacto ambiental.

O conselho de ministros autoriza fomento a começar as obras do viaduto do Ulha. Erguerá-se umha grande ponte de mais dum quilómetro e médio durante quase quatro anos. O projecto incial previa um menor impacto, já que ia carecer de apoios sobre o rio. Agora, os técnicos dam marcha atrás e falam de três piares.

Ignoram movimento popular.

A decisom é umha negativa rotunda a escuitar o movimento popular. Os mariscadores e os ecologistas temem que os piares modifiquem as correntes numha zona tam sensível; os comuneiros de Catoira pedírom que a ponte nom furasse com túneis zonas do povo, e o concelho pediu que se salvasse a lagoa de Pedras Miúdas. A resposta: o silêncio.

Isso si, os responsáveis espanhóis dizem que "embelecerám a paisagem" integrando a ponte no contorno.

Críticas tímidas.

A Galiza começa a mexer-se contra o TAV, sobretodo graças aos seus danificados directos. Vizinhança de Cambre, trabalhadores de Serrabal e colectivos de Catoira já preparam a resposta. Porém, como acontece nos últimos tempos, poucos se atrevem a umha crítica radical do projecto, limitando-se apenas a adiar o debate com os "cámbios de traçado". Colectivos como o Grupo de Agitaçom Social (GAS) de Vigo si estám a denunciar em profundidade o que supom a alta velocidade ferroviária.

Fonte: GalizaLivre.org

chuzame

O que é o Novas da Gz?

O Novas da Galiza é um jornal galego criado em Fevereiro de 2002, e que durante três anos manteve a distribuiçom gratuita, repartindo-se em locais sociais, espaços alternativos e sedes de colectivos, com presença tamém na Internet.

Em Março de 2005 o projecto encetou uma nova etapa, marcada pelas mudanças no conselho de redacçom, na imagem corporativa e, em definitiva, na profissinalizaçom. Entre outras novidades, passou a ser vendido nas bancas ao preço simbólico de um euro, ampliando a sua cobertura territorial a toda a Galiza.

A filosofia que move a publicaçom caracteriza-se pelo investimento cultural, promovendo com os ingressos a ediçom de livros de autores novos, material audiovisual, etc. Contrariamente a outras iniciativas similares tanto na Galiza quanto em países do entorno, o projecto nom se move por um afã económico. Prova disto é que o próprio periódico disponibiliza de graça todos os números na sua hemeroteca virtual um mês após a saida nos quiosques.

Nos seus princípios fundacionais, o Novas da Galiza afirma ter nascido ao serviço da liberdade de opiniom e de todas as expressões artísticas, apartidista, contrário à globalizaçom (especialmente à transnacionalizaçom de capitais), laico, com afã de informar (em língua galego-portuguesa) de jeito honesto e veraz, consciente de que a soberania nacional reside no povo galego, cuja filosofia preside a tradiçom da política esquerda nacionalista galega.

Como apoiar ao Novas da Galiza?

Principalmente comprando-o, bem nos quiosques da tua localidade -informade de onde se vende- ou mediante subscriçom.

É um jornal mensal, pelo que é boa ideia emprestá-lo a algum amigo umha vez lido. Outra ideia ainda melhor é convencer a dono dalgum bar que frequentes para disponibilizá-lo no local, sempre haverá quem o leia.

chuzame