Além da linha inimiga

Ao chegar hoje ao trabalho nom havia luz, nem eléctrica nem mental. As cousas nom vam bem por aqui e nom é pela crise nem por causa dumha mala gestom ainda que antes parecia o contrário, todo fai parte dum plano para fechar a empresa e que tudo o negócio passe a outra paralela criado pelos directivos desta. E com tudo... eis os donos da empresa? eis o comité dos trabalhadores? Já nom entendo rem.

Ao final o de sempre, 69 trabalhadores (por agora) à rúa e 4 tipos a ficar com tudo, viva o capitalismo.

O 30 de Janeiro de 1972, no bairro do Bogside da cidade de Derry umha marcha pacífica do movimento nom-violento pelos direitos civis na Irlanda do Norte (NICRA) e em contra do internment -encarceramento sem juiço a suspeitosos de pertença ao IRA- foi atacada por pára-quedistas britânicos, que assassinaram a quatorze pessoas.

Este dia passou à historia como o Domingo Sangrento (Bloody Sunday), este mural representa aquele terrível dia.

O deputado de ERC no Congresso, Joan Tardà, apresentará amanhã quarta umha demanda contra o Estado ante o Tribunal Europeio dos Direitos Humanos de Estrasburgo após o Congresso nom admitir a trâmite as suas perguntas sobre a Casa Real nem umha proposiçom nom de lei que reclamava a apresentaçom  anual da sua liquidaçom orçamentária.

Em Abril de 2007, Tardà apresentou 100 perguntas sobre a fiscalidade, o usso do património público, ingressos atípicos e competência linguística da Casa Real, entre outras cousas. A proposiçom nom de lei instava ao Governo a apresentar no primeiro trimestre de cada ano a liquidaçom orçamentária de todas as partidas relacionadas com a Casa Real contidas no exercício anterior.

Nenhuma das duas iniciativas foi admitida a trâmite pela Mesa do Congresso com os votos favoráveis de PSOE, PP e CiU, argumentando que a Constituiçom fixa que a pessoa do rei é inviolável e nom está submetida a responsabilidade.

Os republicanos lembraram que dias depois, a Casa Real anunciou o nomeamento dum Interventor Civil.

Posteriormente, Tardà voltou apresentar as mesmas iniciativas mas foram rejeitadas novamente. Umha vez esgotada a via da reconsideraçom ante a Mesa do Congresso, ERC acudiu ao Tribunal Constitucional (TC), que nom admitiu a trâmite o recurso de amparo.

Perante esta situaçom, ERC optou por fazer umha demanda fundamentada na vulneraçom do direito a um processo equitativo previsto no artigo 6 do Convénio Europeio para a protecçom dos Direitos Humanos e das liberdades fundamentais.

Num comunicado, Tardà sinalou que "di pouco da madurez da democracia e muito do primeiro valor republicano de rematar com os privilegios" o facto de que ERC tenha que recorrer aos tribunais da UE para "reclamar que prevaleza a transparência por riba da opacidade", ademáis de ter que "manter um combate permanente" desde 2004 para "enterrar o grande burato preto de tudo o que envolve à Casa Real desde a transiçom".

Artigo de Primeira Linha.

Duas vezes por ano, o Estado espanhol marca mudanças importantes nos ritmos biológicos da populaçom galega, acrescentadas à permanente disfunçom horária que nos situa, por razons de Estado, fora do fuso horário próprio. Nesta madrugada toca adiantarmos os relógios umha hora, acrescentada à hora de adianto que a Galiza arrasta todo o ano “por decreto”.

Os interesses económicos do grande capital e a unidade da “indivisível pátria comum” combinam-se no caso galego para um desfasamento permanente que nos afasta do horário solar que nos é próprio, e que partilhamos com a Irlanda, Portugal e as Ilhas Canárias. O reconhecimento dessa realidade objectiva por parte do Estado espanhol seria, supomos, inconveniente para os interesses “comuns”, ao sermos o único território peninsular sob administraçom espanhola que deveria ter hora oficial diferenciada.

Quer dizer, aqueles que dim ser contra as imposiçons identitárias, lingüísticas e do reconhecimento de direitos colectivos, imponhem a ditadura horária em nome da unidade jurídico-política, contra o critério objectivo que marca a hora solar própria da Galiza.

Nom poucos especialistas tenhem assinalado os problemas ocasionados polo desfasamento horário imposto ao nosso país, em forma de desordens psicológicas, depressons, fadigas, violência e acidentes de tránsito, entre outras conseqüências negativas da imposiçom de umha hora “comum” por imperativo espanhol.

Debuxo-denuncia de Carlos Latuff, podedes ver mais obras suas em deviantart.

Visto em Estoutras.

Um "Addendum" é um apêndice, um anexo. E este Zeitgeist Addendum é a segunda parte do famoso documental que comentei no anterior post.

A primeira parte do documental analisa o funcionamento bancário e a criaçom do dinheiro para manter um sistema que tem submetidas às economias mundiais e aos seus cidadãos.

Na segunda parte explica o "Projecto Venus" e dá umha série de conselhos realistas para combater o "establisment".

Zeitgeist (Espírito da Era, em alemão) é um documental que se fijo muito famoso (ajudou o feito de ser gratuito) que questiona o cristianismo, o capitalismo e a versom oficial do 11-S.

O documental está livre de copyright e pode ser baixado do site oficial.
O melhor, que o vejades vós mesmos:

Actualizaçom[03/01/2009]: Por recomendaçom de Heli (obrigado!) adiciono a ligaçom a umha análise do documental: Zeitgeist contrastado (em castelhano).

O patriota galego Ugio Caamanho também regressará hoje à Terra desde a prisom de Valdemoro

12/11/2008 - Sem que podamos facilitar neste momento detalhes com maior concreçom, fazemos pública a nova de urgência de que o militante independentista galego Ugio Caamanho também retornará hoje à Terra da que foi sequestrado há agora exactamente 3 anos, 3 meses e 17 dias. A excarceraçom poderia-se fazer provavelmente nesta tarde. Familiares e companheir@s do cidadám galego privado de liberdade deslocarám-se a Madrid umha vez se resolvam os trámites burocráticos pendentes.

Mais informaçom:

12/11/2008 Ugio Caamanho sae en liberdade

11/11/2008 Ugio Caamano poderia saír livre em breve ao levar em prisom preventiva mais tempo que a metade da condena imposta

Bem-vindos aos dous, aguardamos ver aginha na casa tamém a Sánti Vigo e José Manuel Sanches.

Copio e colo de Ceivar.org:

Última hora: Excarcerada a presa independentista galega Giana Gomes

Poucas vezes se podem dar boas novas a respeito d@s pres@s independentistas neste portal. Mas hoje podemos informar com enorme satisfacçom da posta em liberdade da presa independentista galega Giana Gomes.

Nom há umha hora que a própria Giana telefonou para Ceivar para comunicar a boa nova. Ficamos à espera de poder confirmar e informar do alcanço da medida tomada polo tribunal, se se trata dumha medida absolutória ou bem umha condenatória inferior ao tempo que leva privada de liberdade, pois os advogados nom recebêrom a sentença nem auto nengum e portanto desconheciam a posta em liberdade de Giana. Ficamos à espera também de conhecer a situaçom jurídica de Ugio Caamanho Sam-Tisso, o outro preso independentista julgado junto a Giana na Audiencia Nacional de Espanha os passados 3 e 4 de novembro.
No entanto, familiares, amig@s e companheir@s organizam já a viagem a Soto del Real para recolhê-la.

Boa volta à terra Giana

Ameaçarom e cumprirom as suas ameaças; mas nem tudo esta perdido, sempre podemos cifrar internet ou dar o pulo definitivo a projectos como Freenet.

Fazem o que querem, em parte porque à meirande parte da sociedade nem se interessa pela sua liberdade e os que nos interessamos nom nos mobilizamos como devemos. E nom falo só de baixar filmes da internet, estamos mui cómodos sem fazer nada; "quero mudar o mundo mas conservar o emprego".

Ao final que sentido tem luitar por umha cultura livre quando já nada é livre? Nem os mp3.

Mas nem tudo está perdido...